38
ואתה זנחת ותמאס התעברת עם משיחך׃
39
נארתה ברית עבדך חללת לארץ נזרו׃
40
פרצת כל גדרתיו שמת מבצריו מחתה׃
41
שסהו כל עברי דרך היה חרפה לשכניו׃
42
הרימות ימין צריו השמחת כל אויביו׃
43
אף תשיב צור חרבו ולא הקימתו במלחמה׃
44
השבת מטהרו וכסאו לארץ מגרתה׃
45
הקצרת ימי עלומיו העטית עליו בושה סלה׃
46
עד מה יהוה תסתר לנצח תבער כמו אש חמתך׃
47
זכר אני מה חלד על מה שוא בראת כל בני אדם׃
48
מי גבר יחיה ולא יראה מות ימלט נפשו מיד שאול סלה׃
49
איה חסדיך הראשנים אדני נשבעת לדוד באמונתך׃
50
זכר אדני חרפת עבדיך שאתי בחיקי כל רבים עמים׃
51
אשר חרפו אויביך יהוה אשר חרפו עקבות משיחך׃
52
ברוך יהוה לעולם אמן ואמן׃