ויקרא שמשון אל יהוה ויאמר אדני יהוה זכרני נא וחזקני נא אך הפעם הזה האלהים ואנקמה נקם אחת משתי עיני מפלשתים׃

חרב פתחו רשעים ודרכו קשתם להפיל עני ואביון לטבוח ישרי דרך׃

חרבם תבוא בלבם וקשתותם תשברנה׃

למען תמחץ רגלך בדם לשון כלביך מאיבים מנהו׃

ותרם כראים קרני בלתי בשמן רענן׃

ותבט עיני בשורי בקמים עלי מרעים תשמענה אזני׃

רוממות אל בגרונם וחרב פיפיות בידם׃

לאסר מלכיהם בזקים ונכבדיהם בכבלי ברזל׃

והאלהים הלא הוא יעשה דין בחיריו הקראים אליו יומם ולילה גם כי יתמהמה להושיעם׃

ויזעקו בקול גדול ויאמרו עד מתי אדני הקדוש והאמתי לא תשפט ולא תקום את דמינו מישבי הארץ׃