שיר המעלות בשוב יהוה את שיבת ציון היינו כחלמים׃

הגדיל יהוה לעשות עמנו היינו שמחים׃

וישוע ובני ושרביה ימין עקוב שבתי הודיה מעשיה קליטא עזריה יוזבד חנן פלאיה והלוים מבינים את העם לתורה והעם על עמדם׃

ויקראו בספר בתורת האלהים מפרש ושום שכל ויבינו במקרא׃

מצות שפתיו ולא אמיש מחקי צפנתי אמרי פיו׃

פקודי יהוה ישרים משמחי לב מצות יהוה ברה מאירת עינים׃

הנחמדים מזהב ומפז רב ומתוקים מדבש ונפת צופים׃

בדרך עדותיך ששתי כעל כל הון׃

בחקתיך אשתעשע לא אשכח דברך׃

טוב לי תורת פיך מאלפי זהב וכסף׃

מה אהבתי תורתך כל היום היא שיחתי׃

מה נמלצו לחכי אמרתך מדבש לפי׃

מפקודיך אתבונן על כן שנאתי כל ארח שקר׃

נחלתי עדותיך לעולם כי ששון לבי המה׃

על כן אהבתי מצותיך מזהב ומפז׃

פתח דבריך יאיר מבין פתיים׃

תבענה שפתי תהלה כי תלמדני חקיך׃

תאבתי לישועתך יהוה ותורתך שעשעי׃

כי תבוא חכמה בלבך ודעת לנפשך ינעם׃

מזמה תשמר עליך תבונה תנצרכה׃

אכל בני דבש כי טוב ונפת מתוק על חכך׃

כן דעה חכמה לנפשך אם מצאת ויש אחרית ותקותך לא תכרת׃

נמצאו דבריך ואכלם ויהי דבריך לי לששון ולשמחת לבבי כי נקרא שמך עלי יהוה אלהי צבאות׃

ויאמרו איש אל רעהו הלא היה בער לבבנו בקרבנו בדברו אלינו בדרך ויפתח לנו את הכתובים׃

כי ידעתי אשר בי בבשרי לא ישב טוב הן הרצון יש עמדי אבל עשות הטוב לא מצאתי׃