כלה בחמה כלה ואינמו וידעו כי אלהים משל ביעקב לאפסי הארץ סלה׃

אל תהרגם פן ישכחו עמי הניעמו בחילך והורידמו מגננו אדני׃

עזו אליך אשמרה כי אלהים משגבי׃

הנה יביעון בפיהם חרבות בשפתותיהם כי מי שמע׃

ואתה יהוה אלהים צבאות אלהי ישראל הקיצה לפקד כל הגוים אל תחן כל בגדי און סלה׃

תנה עון על עונם ואל יבאו בצדקתך׃

יזכר עון אבתיו אל יהוה וחטאת אמו אל תמח׃

ואתה יהוה ידעת את כל עצתם עלי למות אל תכפר על עונם וחטאתם מלפניך אל תמחי והיו מכשלים לפניך בעת אפך עשה בהם׃

אלכסנדר חרש הנחשת עשה לי רעות רבות ישלם לו יהוה כמעשיו׃

למנצח מזמור לדוד בבוא אליו נתן הנביא כאשר בא אל בת שבע חנני אלהים כחסדך כרב רחמיך מחה פשעי׃

הסתר פניך מחטאי וכל עונתי מחה׃

אנכי אנכי הוא מחה פשעיך למעני וחטאתיך לא אזכר׃

מחיתי כעב פשעיך וכענן חטאותיך שובה אלי כי גאלתיך׃

ויאמר אליקים ושבנא ויואח אל רב שקה דבר נא אל עבדיך ארמית כי שמעים אנחנו ואל תדבר אלינו יהודית באזני העם אשר על החומה׃

ויאמר רב שקה האל אדניך ואליך שלחני אדני לדבר את הדברים האלה הלא על האנשים הישבים על החומה לאכל את חראיהם ולשתות את שיניהם עמכם׃