Néhémie 12:26
אלה בימי יויקים בן ישוע בן יוצדק ובימי נחמיה הפחה ועזרא הכהן הסופר׃
1 Chroniques 6:3-15
3
ובני עמרם אהרן ומשה ומרים ובני אהרן נדב ואביהוא אלעזר ואיתמר׃
4
אלעזר הוליד את פינחס פינחס הליד את אבישוע׃
5
ואבישוע הוליד את בקי ובקי הוליד את עזי׃
6
ועזי הוליד את זרחיה וזרחיה הוליד את מריות׃
7
מריות הוליד את אמריה ואמריה הוליד את אחיטוב׃
8
ואחיטוב הוליד את צדוק וצדוק הוליד את אחימעץ׃
9
ואחימעץ הוליד את עזריה ועזריה הוליד את יוחנן׃
10
ויוחנן הוליד את עזריה הוא אשר כהן בבית אשר בנה שלמה בירושלם׃
11
ויולד עזריה את אמריה ואמריה הוליד את אחיטוב׃
12
ואחיטוב הוליד את צדוק וצדוק הוליד את שלום׃
13
ושלום הוליד את חלקיה וחלקיה הוליד את עזריה׃
14
ועזריה הוליד את שריה ושריה הוליד את יהוצדק׃
15
ויהוצדק הלך בהגלות יהוה את יהודה וירושלם ביד נבכדנאצר׃
Néhémie 3:1
ויקם אלישיב הכהן הגדול ואחיו הכהנים ויבנו את שער הצאן המה קדשוהו ויעמידו דלתתיו ועד מגדל המאה קדשוהו עד מגדל חננאל׃
Néhémie 13:4
ולפני מזה אלישיב הכהן נתון בלשכת בית אלהינו קרוב לטוביה׃
Néhémie 13:7
ואבוא לירושלם ואבינה ברעה אשר עשה אלישיב לטוביה לעשות לו נשכה בחצרי בית האלהים׃
Néhémie 13:28
ומבני יוידע בן אלישיב הכהן הגדול חתן לסנבלט החרני ואבריחהו מעלי׃