ויאמן העם וישמעו כי פקד יהוה את בני ישראל וכי ראה את ענים ויקדו וישתחוו׃

ותצא אש מלפני יהוה ותאכל על המזבח את העלה ואת החלבים וירא כל העם וירנו ויפלו על פניהם׃

ויפל משה ואהרן על פניהם לפני כל קהל עדת בני ישראל׃

ויפלו על פניהם ויאמרו אל אלהי הרוחת לכל בשר האיש אחד יחטא ועל כל העדה תקצף׃

וירא כל העם ויפלו על פניהם ויאמרו יהוה הוא האלהים יהוה הוא האלהים׃

ויאמר דויד לכל הקהל ברכו נא את יהוה אלהיכם ויברכו כל הקהל ליהוה אלהי אבתיהם ויקדו וישתחוו ליהוה ולמלך׃

באו נשתחוה ונכרעה נברכה לפני יהוה עשנו׃

ויהי כאחד למחצצרים ולמשררים להשמיע קול אחד להלל ולהדות ליהוה וכהרים קול בחצצרות ובמצלתים ובכלי השיר ובהלל ליהוה כי טוב כי לעולם חסדו והבית מלא ענן בית יהוה׃

ויועץ אל העם ויעמד משררים ליהוה ומהללים להדרת קדש בצאת לפני החלוץ ואמרים הודו ליהוה כי לעולם חסדו׃

ועמהם הימן וידותון ושאר הברורים אשר נקבו בשמות להדות ליהוה כי לעולם חסדו׃

ויענו בהלל ובהודת ליהוה כי טוב כי לעולם חסדו על ישראל וכל העם הריעו תרועה גדולה בהלל ליהוה על הוסד בית יהוה׃

וחסד יהוה מעולם ועד עולם על יראיו וצדקתו לבני בנים׃

הודו ליהוה כי טוב כי לעולם חסדו׃

הודו לאדני האדנים כי לעולם חסדו׃

לעשה השמים בתבונה כי לעולם חסדו׃

לעשה אורים גדלים כי לעולם חסדו׃

את הירח וכוכבים לממשלות בלילה כי לעולם חסדו׃

ויוצא ישראל מתוכם כי לעולם חסדו׃

לגזר ים סוף לגזרים כי לעולם חסדו׃

ונער פרעה וחילו בים סוף כי לעולם חסדו׃

למכה מלכים גדלים כי לעולם חסדו׃

לסיחון מלך האמרי כי לעולם חסדו׃

ונתן ארצם לנחלה כי לעולם חסדו׃

שבשפלנו זכר לנו כי לעולם חסדו׃

נתן לחם לכל בשר כי לעולם חסדו׃

חסדי יהוה אזכיר תהלת יהוה כעל כל אשר גמלנו יהוה ורב טוב לבית ישראל אשר גמלם כרחמיו וכרב חסדיו׃

קול ששון וקול שמחה קול חתן וקול כלה קול אמרים הודו את יהוה צבאות כי טוב יהוה כי לעולם חסדו מבאים תודה בית יהוה כי אשיב את שבות הארץ כבראשנה אמר יהוה׃

אבל זה בעמדו לעולם יש לו כהנה אשר לא תעבר ממנו׃

אשר על כן יוכל גם להושיע בכל וכל את הנגשים על ידו לאלהים כי חי הוא תמיד להפגיע בעדם׃

וחסדו לדור דורים על יראיו׃