28
לעולם אשמור לו חסדי ובריתי נאמנת לו׃
29
ושמתי לעד זרעו וכסאו כימי שמים׃
30
אם יעזבו בניו תורתי ובמשפטי לא ילכון׃
31
אם חקתי יחללו ומצותי לא ישמרו׃
32
ופקדתי בשבט פשעם ובנגעים עונם׃
33
וחסדי לא אפיר מעמו ולא אשקר באמונתי׃
34
לא אחלל בריתי ומוצא שפתי לא אשנה׃
35
אחת נשבעתי בקדשי אם לדוד אכזב׃
36
זרעו לעולם יהיה וכסאו כשמש נגדי׃
37
כירח יכון עולם ועד בשחק נאמן סלה׃
38
ואתה זנחת ותמאס התעברת עם משיחך׃
39
נארתה ברית עבדך חללת לארץ נזרו׃
40
פרצת כל גדרתיו שמת מבצריו מחתה׃
