לכו נרננה ליהוה נריעה לצור ישענו׃

נקדמה פניו בתודה בזמרות נריע לו׃

מזמור לתודה הריעו ליהוה כל הארץ׃

עבדו את יהוה בשמחה באו לפניו ברננה׃

קול צפיך נשאו קול יחדו ירננו כי עין בעין יראו בשוב יהוה ציון׃

ונתתי להם לב אחד ודרך אחד ליראה אותי כל הימים לטוב להם ולבניהם אחריהם׃

וקהל המאמינים היה להם לב אחד ונפש אחת ואין איש מהם אומר על אשר בידו לי הוא כי הכל היה להם בשתפות׃

אשר תכבדו בנפש אחת ובפה אחד את האלהים אבי אדנינו ישוע המשיח׃

ויהי בקחתו את הספר ויפלו לפני השה ארבע החיות ועשרים וארבעה הזקנים ואיש איש כנור בידו וקערות זהב מלאת קטרת אשר הנה תפלות הקדושים׃

ותעש אתם מלכים וכהנים לאלהינו וימלכו על הארץ׃

קראים בקול גדול נאה לשה הטבוח לקחת עז ועשר וחכמה וגבורה והדר וכבוד וברכה׃

ותאמרנה ארבע החיות אמן ועשרים וארבעה הזקנים נפלו על פניהם וישתחוו לחי עולמי העולמים׃

קדמו שרים אחר נגנים בתוך עלמות תופפות׃

במקהלות ברכו אלהים יהוה ממקור ישראל׃

וכל בני ישראל ראים ברדת האש וכבוד יהוה על הבית ויכרעו אפים ארצה על הרצפה וישתחוו והודות ליהוה כי טוב כי לעולם חסדו׃

ויועץ אל העם ויעמד משררים ליהוה ומהללים להדרת קדש בצאת לפני החלוץ ואמרים הודו ליהוה כי לעולם חסדו׃

הודו ליהוה כי טוב כי לעולם חסדו׃

ברוך יהוה אלהי ישראל מן העולם ועד העלם ויאמרו כל העם אמן והלל ליהוה׃

ועבד אדם ואחיהם ששים ושמונה ועבד אדם בן ידיתון וחסה לשערים׃

להעלות עלות ליהוה על מזבח העלה תמיד לבקר ולערב ולכל הכתוב בתורת יהוה אשר צוה על ישראל׃

ויענו בהלל ובהודת ליהוה כי טוב כי לעולם חסדו על ישראל וכל העם הריעו תרועה גדולה בהלל ליהוה על הוסד בית יהוה׃

הודו ליהוה כי טוב כי לעולם חסדו׃

הודו לאדני האדנים כי לעולם חסדו׃

לעשה השמים בתבונה כי לעולם חסדו׃

לעשה אורים גדלים כי לעולם חסדו׃

את הירח וכוכבים לממשלות בלילה כי לעולם חסדו׃

ויוצא ישראל מתוכם כי לעולם חסדו׃

לגזר ים סוף לגזרים כי לעולם חסדו׃

ונער פרעה וחילו בים סוף כי לעולם חסדו׃

למכה מלכים גדלים כי לעולם חסדו׃

לסיחון מלך האמרי כי לעולם חסדו׃

ונתן ארצם לנחלה כי לעולם חסדו׃

שבשפלנו זכר לנו כי לעולם חסדו׃

נתן לחם לכל בשר כי לעולם חסדו׃

קול ששון וקול שמחה קול חתן וקול כלה קול אמרים הודו את יהוה צבאות כי טוב יהוה כי לעולם חסדו מבאים תודה בית יהוה כי אשיב את שבות הארץ כבראשנה אמר יהוה׃

ויכס הענן את אהל מועד וכבוד יהוה מלא את המשכן׃

ולא יכל משה לבוא אל אהל מועד כי שכן עליו הענן וכבוד יהוה מלא את המשכן׃

ויהי בצאת הכהנים מן הקדש והענן מלא את בית יהוה׃

אז אמר שלמה יהוה אמר לשכן בערפל׃