2 Samuel 23:1
ואלה דברי דוד האחרנים נאם דוד בן ישי ונאם הגבר הקם על משיח אלהי יעקב ונעים זמרות ישראל׃
2 Samuel 23:2
רוח יהוה דבר בי ומלתו על לשוני׃
1 Chroniques 16:7-36
7
ביום ההוא אז נתן דויד בראש להדות ליהוה ביד אסף ואחיו׃
8
הודו ליהוה קראו בשמו הודיעו בעמים עלילתיו׃
9
שירו לו זמרו לו שיחו בכל נפלאתיו׃
10
התהללו בשם קדשו ישמח לב מבקשי יהוה׃
11
דרשו יהוה ועזו בקשו פניו תמיד׃
12
זכרו נפלאתיו אשר עשה מפתיו ומשפטי פיהו׃
13
זרע ישראל עבדו בני יעקב בחיריו׃
14
הוא יהוה אלהינו בכל הארץ משפטיו׃
15
זכרו לעולם בריתו דבר צוה לאלף דור׃
16
אשר כרת את אברהם ושבועתו ליצחק׃
17
ויעמידה ליעקב לחק לישראל ברית עולם׃
18
לאמר לך אתן ארץ כנען חבל נחלתכם׃
19
בהיותכם מתי מספר כמעט וגרים בה׃
20
ויתהלכו מגוי אל גוי ומממלכה אל עם אחר׃
21
לא הניח לאיש לעשקם ויוכח עליהם מלכים׃
22
אל תגעו במשיחי ובנביאי אל תרעו׃
23
שירו ליהוה כל הארץ בשרו מיום אל יום ישועתו׃
24
ספרו בגוים את כבודו בכל העמים נפלאתיו׃
25
כי גדול יהוה ומהלל מאד ונורא הוא על כל אלהים׃
26
כי כל אלהי העמים אלילים ויהוה שמים עשה׃
27
הוד והדר לפניו עז וחדוה במקמו׃
28
הבו ליהוה משפחות עמים הבו ליהוה כבוד ועז׃
29
הבו ליהוה כבוד שמו שאו מנחה ובאו לפניו השתחוו ליהוה בהדרת קדש׃
30
חילו מלפניו כל הארץ אף תכון תבל בל תמוט׃
31
ישמחו השמים ותגל הארץ ויאמרו בגוים יהוה מלך׃
32
ירעם הים ומלואו יעלץ השדה וכל אשר בו׃
33
אז ירננו עצי היער מלפני יהוה כי בא לשפוט את הארץ׃
34
הודו ליהוה כי טוב כי לעולם חסדו׃
35
ואמרו הושיענו אלהי ישענו וקבצנו והצילנו מן הגוים להדות לשם קדשך להשתבח בתהלתך׃
36
ברוך יהוה אלהי ישראל מן העולם ועד העלם ויאמרו כל העם אמן והלל ליהוה׃
Psaumes 32:11
שמחו ביהוה וגילו צדיקים והרנינו כל ישרי לב׃
Psaumes 33:1
רננו צדיקים ביהוה לישרים נאוה תהלה׃
Psaumes 95:1
לכו נרננה ליהוה נריעה לצור ישענו׃
Psaumes 95:2
נקדמה פניו בתודה בזמרות נריע לו׃
Psaumes 95:6
באו נשתחוה ונכרעה נברכה לפני יהוה עשנו׃
Psaumes 100:1
מזמור לתודה הריעו ליהוה כל הארץ׃
Psaumes 100:2
עבדו את יהוה בשמחה באו לפניו ברננה׃
Psaumes 149:2
ישמח ישראל בעשיו בני ציון יגילו במלכם׃
Philippiens 4:4
שמחו באדנינו בכל עת ועוד הפעם אמר אני שמחו׃