Génèse 26:18-21
18
וישב יצחק ויחפר את בארת המים אשר חפרו בימי אברהם אביו ויסתמום פלשתים אחרי מות אברהם ויקרא להן שמות כשמת אשר קרא להן אביו׃
19
ויחפרו עבדי יצחק בנחל וימצאו שם באר מים חיים׃
20
ויריבו רעי גרר עם רעי יצחק לאמר לנו המים ויקרא שם הבאר עשק כי התעשקו עמו׃
21
ויחפרו באר אחרת ויריבו גם עליה ויקרא שמה שטנה׃
2 Rois 3:4
ומישע מלך מואב היה נקד והשיב למלך ישראל מאה אלף כרים ומאה אלף אילים צמר׃
1 Chroniques 27:26-31
26
ועל עשי מלאכת השדה לעבדת האדמה עזרי בן כלוב׃
27
ועל הכרמים שמעי הרמתי ועל שבכרמים לאצרות היין זבדי השפמי׃
28
ועל הזיתים והשקמים אשר בשפלה בעל חנן הגדרי ועל אצרות השמן יועש׃
29
ועל הבקר הרעים בשרון שטרי השרוני ועל הבקר בעמקים שפט בן עדלי׃
30
ועל הגמלים אוביל הישמעלי ועל האתנות יחדיהו המרנתי׃
31
ועל הצאן יזיז ההגרי כל אלה שרי הרכוש אשר למלך דויד׃
2 Rois 19:23
ביד מלאכיך חרפת אדני ותאמר ברכב רכבי אני עליתי מרום הרים ירכתי לבנון ואכרת קומת ארזיו מבחור ברשיו ואבואה מלון קצה יער כרמלו׃
Esaïe 29:17
הלוא עוד מעט מזער ושב לבנון לכרמל והכרמל ליער יחשב׃