והערים אשר נתן חורם לשלמה בנה שלמה אתם ויושב שם את בני ישראל׃

ויבן את תדמר במדבר ואת כל ערי המסכנות אשר בנה בחמת׃

ואת בעלת ואת כל ערי המסכנות אשר היו לשלמה ואת כל ערי הרכב ואת ערי הפרשים ואת כל חשק שלמה אשר חשק לבנות בירושלם ובלבנון ובכל ארץ ממשלתו׃

וישב רחבעם בירושלם ויבן ערים למצור ביהודה׃

ואת בית צור ואת שוכו ואת עדלם׃

ואת אדורים ואת לכיש ואת עזקה׃

ויחזק את המצרות ויתן בהם נגידים ואצרות מאכל ושמן ויין׃

ותשקט הארץ ארבעים שנה וימת עתניאל בן קנז׃

ותכנע מואב ביום ההוא תחת יד ישראל ותשקט הארץ שמונים שנה׃

כן יאבדו כל אויביך יהוה ואהביו כצאת השמש בגברתו ותשקט הארץ ארבעים שנה׃

ועתה הניח יהוה אלהי לי מסביב אין שטן ואין פגע רע׃

הנה בן נולד לך הוא יהיה איש מנוחה והנחותי לו מכל אויביו מסביב כי שלמה יהיה שמו ושלום ושקט אתן על ישראל בימיו׃

וישמחו כל יהודה על השבועה כי בכל לבבם נשבעו ובכל רצונם בקשהו וימצא להם וינח יהוה להם מסביב׃

ויהי מימים רבים אחרי אשר הניח יהוה לישראל מכל איביהם מסביב ויהושע זקן בא בימים׃

והוא ישקט ומי ירשע ויסתר פנים ומי ישורנו ועל גוי ועל אדם יחד׃

משבית מלחמות עד קצה הארץ קשת ישבר וקצץ חנית עגלות ישרף באש׃