והלוים אחיה על אוצרות בית האלהים ולאצרות הקדשים׃

בני יחיאלי זתם ויואל אחיו על אצרות בית יהוה׃

ושבאל בן גרשום בן משה נגיד על האצרות׃

הוא שלמות ואחיו על כל אצרות הקדשים אשר הקדיש דויד המלך וראשי האבות לשרי האלפים והמאות ושרי הצבא׃

וכפרץ הדבר הרבו בני ישראל ראשית דגן תירוש ויצהר ודבש וכל תבואת שדה ומעשר הכל לרב הביאו׃

בחדש השלשי החלו הערמות ליסוד ובחדש השביעי כלו׃

וידרש יחזקיהו על הכהנים והלוים על הערמות׃

ויאמר יחזקיהו להכין לשכות בבית יהוה ויכינו׃

והיה הכהן בן אהרן עם הלוים בעשר הלוים והלוים יעלו את מעשר המעשר לבית אלהינו אל הלשכות לבית האוצר׃

כי אל הלשכות יביאו בני ישראל ובני הלוי את תרומת הדגן התירוש והיצהר ושם כלי המקדש והכהנים המשרתים והשוערים והמשררים ולא נעזב את בית אלהינו׃

ויעש לו לשכה גדולה ושם היו לפנים נתנים את המנחה הלבונה והכלים ומעשר הדגן התירוש והיצהר מצות הלוים והמשררים והשערים ותרומת הכהנים׃