Esdras 2:59
ואלה העלים מתל מלח תל חרשא כרוב אדן אמר ולא יכלו להגיד בית אבותם וזרעם אם מישראל הם׃
Esdras 2:62
אלה בקשו כתבם המתיחשים ולא נמצאו ויגאלו מן הכהנה׃
Esdras 2:63
ויאמר התרשתא להם אשר לא יאכלו מקדש הקדשים עד עמד כהן לאורים ולתמים׃
Néhémie 7:5
ויתן אלהי אל לבי ואקבצה את החרים ואת הסגנים ואת העם להתיחש ואמצא ספר היחש העולים בראשונה ואמצא כתוב בו׃
Néhémie 7:64
אלה בקשו כתבם המתיחשים ולא נמצא ויגאלו מן הכהנה׃
Matthieu 1:1-16
1
ספר תולדת ישוע המשיח בן דוד בן אברהם׃
2
אברהם הוליד את יצחק ויצחק הוליד את יעקב ויעקב הוליד את יהודה ואת אחיו׃
3
ויהודה הוליד את פרץ ואת זרח מתמר ופרץ הוליד את חצרון וחצרון הוליד את רם׃
4
ורם הוליד את עמינדב ועמינדב הוליד את נחשון ונחשון הוליד את שלמון׃
5
ושלמון הוליד את בעז מרחב ובעז הוליד את עובד מרות ועובד הוליד את ישי׃
6
וישי הוליד את דוד המלך ודוד המלך הוליד את שלמה מאשת אוריה׃
7
ושלמה הוליד את רחבעם ורחבעם הוליד את אביה ואביה הוליד את אסא׃
8
ואסא הוליד את יהושפט ויהושפט הוליד את יורם ויורם הוליד את עזיהו׃
9
ועזיהו הוליד את יותם ויותם הוליד את אחז ואחז הוליד את יחזקיהו׃
10
ויחזקיהו הוליד את מנשה ומנשה הוליד את אמון ואמון הוליד את יאשיהו׃
11
ויאשיהו הוליד את יכניהו ואת אחיו לעת גלות בבל׃
12
ואחרי גלותם בבלה הוליד יכניה את שאלתיאל ושאלתיאל הוליד את זרבבל׃
13
וזרבבל הוליד את אביהוד ואביהוד הוליד את אליקים ואליקים הוליד את עזור׃
14
ועזור הוליד את צדוק וצדוק הוליד את יכין ויכין הוליד את אליהוד׃
15
ואליהוד הוליד את אלעזר ואלעזר הוליד את מתן ומתן הוליד את יעקב׃
16
ויעקב הוליד את יוסף בעל מרים אשר ממנה נולד ישוע הנקרא משיח׃
Luc 3:28-38
28
בן מלכי בן אדי בן קוסם בן אלמדם בן ער׃
29
בן יוסי בן אליעזר בן יורים בן מתת בן לוי׃
30
בן שמעון בן יהודה בן יוסף בן יונם בן אליקים׃
31
בן מליא בן מינא בן מתתה בן נתן בן דוד׃
32
בן ישי בן עובד בן בעז בן שלמון בן נחשון׃
33
בן עמינדב בן ארם בן חצרון בן פרץ בן יהודה׃
34
בן יעקב בן יצחק בן אברהם בן תרח בן נחור׃
35
בן שרוג בן רעו בן פלג בן עבר בן שלח׃
36
בן קינן בן ארפכשד בן שם בן נח בן למך׃
37
בן מתושלח בן חנוך בן ירד בן מהללאל בן קינן׃
38
בן אנוש בן שת בן אדם בן אלהים׃
2 Chroniques 33:11
ויבא יהוה עליהם את שרי הצבא אשר למלך אשור וילכדו את מנשה בחחים ויאסרהו בנחשתים ויוליכהו בבלה׃
2 Chroniques 36:9
בן שמונה שנים יהויכין במלכו ושלשה חדשים ועשרת ימים מלך בירושלם ויעש הרע בעיני יהוה׃
2 Chroniques 36:10
ולתשובת השנה שלח המלך נבוכדנאצר ויבאהו בבלה עם כלי חמדת בית יהוה וימלך את צדקיהו אחיו על יהודה וירושלם׃
2 Chroniques 36:18-20
18
וכל כלי בית האלהים הגדלים והקטנים ואצרות בית יהוה ואצרות המלך ושריו הכל הביא בבל׃
19
וישרפו את בית האלהים וינתצו את חומת ירושלם וכל ארמנותיה שרפו באש וכל כלי מחמדיה להשחית׃
20
ויגל השארית מן החרב אל בבל ויהיו לו ולבניו לעבדים עד מלך מלכות פרס׃
Jérémie 39:9
ואת יתר העם הנשארים בעיר ואת הנפלים אשר נפלו עליו ואת יתר העם הנשארים הגלה נבוזר אדן רב טבחים בבל׃
Jérémie 52:14
ואת כל חמות ירושלם סביב נתצו כל חיל כשדים אשר את רב טבחים׃
Jérémie 52:15
ומדלות העם ואת יתר העם הנשארים בעיר ואת הנפלים אשר נפלו אל מלך בבל ואת יתר האמון הגלה נבוזראדן רב טבחים׃
Daniel 1:2
ויתן אדני בידו את יהויקים מלך יהודה ומקצת כלי בית האלהים ויביאם ארץ שנער בית אלהיו ואת הכלים הביא בית אוצר אלהיו׃