Exode 25:31-39
31
ועשית מנרת זהב טהור מקשה תעשה המנורה ירכה וקנה גביעיה כפתריה ופרחיה ממנה יהיו׃
32
וששה קנים יצאים מצדיה שלשה קני מנרה מצדה האחד ושלשה קני מנרה מצדה השני׃
33
שלשה גבעים משקדים בקנה האחד כפתר ופרח ושלשה גבעים משקדים בקנה האחד כפתר ופרח כן לששת הקנים היצאים מן המנרה׃
34
ובמנרה ארבעה גבעים משקדים כפתריה ופרחיה׃
35
וכפתר תחת שני הקנים ממנה וכפתר תחת שני הקנים ממנה וכפתר תחת שני הקנים ממנה לששת הקנים היצאים מן המנרה׃
36
כפתריהם וקנתם ממנה יהיו כלה מקשה אחת זהב טהור׃
37
ועשית את נרתיה שבעה והעלה את נרתיה והאיר על עבר פניה׃
38
ומלקחיה ומחתתיה זהב טהור׃
39
ככר זהב טהור יעשה אתה את כל הכלים האלה׃
1 Rois 7:19
וכתרת אשר על ראש העמודים מעשה שושן באולם ארבע אמות׃
2 Chroniques 4:7
ויעש את מנרות הזהב עשר כמשפטם ויתן בהיכל חמש מימין וחמש משמאול׃
Zacharie 4:2
ויאמר אלי מה אתה ראה ויאמר ראיתי והנה מנורת זהב כלה וגלה על ראשה ושבעה נרתיה עליה שבעה ושבעה מוצקות לנרות אשר על ראשה׃
Zacharie 4:3
ושנים זיתים עליה אחד מימין הגלה ואחד על שמאלה׃
Zacharie 4:11-14
11
ואען ואמר אליו מה שני הזיתים האלה על ימין המנורה ועל שמאולה׃
12
ואען שנית ואמר אליו מה שתי שבלי הזיתים אשר ביד שני צנתרות הזהב המריקים מעליהם הזהב׃
13
ויאמר אלי לאמר הלוא ידעת מה אלה ואמר לא אדני׃
14
ויאמר אלה שני בני היצהר העמדים על אדון כל הארץ׃
Apocalypse 1:12
ואפן לראות את הקול המדבר אלי ויהי בפנותי וארא שבע מנרות זהב׃
Apocalypse 1:13
ובתוך שבע המנרות דמות בן אדם לבוש מעיל וחגור אזור זהב על לבו׃
Apocalypse 1:20
את סוד שבעת הכוכבים אשר ראית בימיני ואת שבע מנרות הזהב שבעת הכוכבים הם מלאכי שבע הקהלות ושבע המנרות אשר ראית שבע קהלות הנה׃
Apocalypse 2:1
אל מלאך קהל אפסוס כתב כה אמר האחז בימינו שבעת הכוכבים המתהלך בתוך שבע מנרות הזהב׃