1 Chroniques 11:22-25
22
בניה בן יהוידע בן איש חיל רב פעלים מן קבצאל הוא הכה את שני אריאל מואב והוא ירד והכה את הארי בתוך הבור ביום השלג׃
23
והוא הכה את האיש המצרי איש מדה חמש באמה וביד המצרי חנית כמנור ארגים וירד אליו בשבט ויגזל את החנית מיד המצרי ויהרגהו בחניתו׃
24
אלה עשה בניהו בן יהוידע ולו שם בשלושה הגברים׃
25
מן השלושים הנו נכבד הוא ואל השלושה לא בא וישימהו דויד על משמעתו׃
2 Samuel 22:20-23
20
ויצא למרחב אתי יחלצני כי חפץ בי׃
21
יגמלני יהוה כצדקתי כבר ידי ישיב לי׃
22
כי שמרתי דרכי יהוה ולא רשעתי מאלהי׃
23
כי כל משפטו לנגדי וחקתיו לא אסור ממנה׃
2 Samuel 23:20-23
20
ובניהו בן יהוידע בן איש חי רב פעלים מקבצאל הוא הכה את שני אראל מואב והוא ירד והכה את האריה בתוך הבאר ביום השלג׃
21
והוא הכה את איש מצרי אשר מראה וביד המצרי חנית וירד אליו בשבט ויגזל את החנית מיד המצרי ויהרגהו בחניתו׃
22
אלה עשה בניהו בן יהוידע ולו שם בשלשה הגברים׃
23
מן השלשים נכבד ואל השלשה לא בא וישמהו דוד אל משמעתו׃