1 Chroniques 23:6
ויחלקם דויד מחלקות לבני לוי לגרשון קהת ומררי׃
1 Chroniques 6:3
ובני עמרם אהרן ומשה ומרים ובני אהרן נדב ואביהוא אלעזר ואיתמר׃
Exode 6:23
ויקח אהרן את אלישבע בת עמינדב אחות נחשון לו לאשה ותלד לו את נדב ואת אביהוא את אלעזר ואת איתמר׃
Exode 28:1
ואתה הקרב אליך את אהרן אחיך ואת בניו אתו מתוך בני ישראל לכהנו לי אהרן נדב ואביהוא אלעזר ואיתמר בני אהרן׃
Lévitique 10:1-6
1
ויקחו בני אהרן נדב ואביהוא איש מחתתו ויתנו בהן אש וישימו עליה קטרת ויקרבו לפני יהוה אש זרה אשר לא צוה אתם׃
2
ותצא אש מלפני יהוה ותאכל אותם וימתו לפני יהוה׃
3
ויאמר משה אל אהרן הוא אשר דבר יהוה לאמר בקרבי אקדש ועל פני כל העם אכבד וידם אהרן׃
4
ויקרא משה אל מישאל ואל אלצפן בני עזיאל דד אהרן ויאמר אלהם קרבו שאו את אחיכם מאת פני הקדש אל מחוץ למחנה׃
5
ויקרבו וישאם בכתנתם אל מחוץ למחנה כאשר דבר משה׃
6
ויאמר משה אל אהרן ולאלעזר ולאיתמר בניו ראשיכם אל תפרעו ובגדיכם לא תפרמו ולא תמתו ועל כל העדה יקצף ואחיכם כל בית ישראל יבכו את השרפה אשר שרף יהוה׃
Nombres 3:2
ואלה שמות בני אהרן הבכור נדב ואביהוא אלעזר ואיתמר׃
Nombres 26:60
ויולד לאהרן את נדב ואת אביהוא את אלעזר ואת איתמר׃