לכו נרננה ליהוה נריעה לצור ישענו׃

נקדמה פניו בתודה בזמרות נריע לו׃

שירו ליהוה שיר חדש שירו ליהוה כל הארץ׃

שירו ליהוה ברכו שמו בשרו מיום ליום ישועתו׃

מזמור שירו ליהוה שיר חדש כי נפלאות עשה הושיעה לו ימינו וזרוע קדשו׃

זכר חסדו ואמונתו לבית ישראל ראו כל אפסי ארץ את ישועת אלהינו׃

אז נדברו יראי יהוה איש את רעהו ויקשב יהוה וישמע ויכתב ספר זכרון לפניו ליראי יהוה ולחשבי שמו׃

ויהי אחרי גמרם את ההלל ויצאו אל הר הזיתים׃

ושיחו איש לרעהו בתהלות ותשבחות ושירות רוחניות שירו וזמרו לאדני בלבבכם׃

דבר האדון ישכן בקרבכם בשפע רב בכל חכמה ותלמדו ותעוררו את נפשכם בתהלות ותשבחות ושירות רוחניות ושירו ליהוה בנעימה בלבבכם׃

כי יצר לאיש בכם הוא יתפלל ואשר ייטב לבו הוא יזמר׃

צדקתך לא כסיתי בתוך לבי אמונתך ותשועתך אמרתי לא כחדתי חסדך ואמתך לקהל רב׃

אלהים למדתני מנעורי ועד הנה אגיד נפלאותיך׃

ספרו בגוים כבודו בכל העמים נפלאותיו׃

דור לדור ישבח מעשיך וגבורתיך יגידו׃

ועזוז נוראתיך יאמרו וגדולתיך אספרנה׃