מי יתן מציון ישועת ישראל בשוב יהוה שבות עמו יגל יעקב ישמח ישראל׃

מי יתן מציון ישעות ישראל בשוב אלהים שבות עמו יגל יעקב ישמח ישראל׃

עזרנו אלהי ישענו על דבר כבוד שמך והצילנו וכפר על חטאתינו למען שמך׃

למה יאמרו הגוים איה אלהיהם יודע בגיים לעינינו נקמת דם עבדיך השפוך׃

הושיענו יהוה אלהינו וקבצנו מן הגוים להדות לשם קדשך להשתבח בתהלתך׃

ברוך יהוה אלהי ישראל מן העולם ועד העולם ואמר כל העם אמן הללו יה׃

בעבור ישמרו חקיו ותורתיו ינצרו הללו יה׃

עם זו יצרתי לי תהלתי יספרו׃

להיותנו לתהלת כבודו אנחנו אשר יחלנו אל המשיח מאז׃

ונבניתם גם אתם כאבנים חיות לבית רוחני לכהנת קדש להעלות זבחי רוח לרצון לאלהים בישוע המשיח׃

ואתם הנכם זרע נבחר ממלכת כהנים וגוי קדוש ועם סגלה למען תספרו תהלות הקורא אתכם מחשך אל אורו הנפלא׃

שירו לו זמרו לו שיחו בכל נפלאתיו׃

התהללו בשם קדשו ישמח לב מבקשי יהוה׃

באלהים הללנו כל היום ושמך לעולם נודה סלה׃

ביהוה יצדקו ויתהללו כל זרע ישראל׃

ויהי ככתוב המתהלל יתהלל ביהוה׃