Génèse 17:19-21
19
ויאמר אלהים אבל שרה אשתך ילדת לך בן וקראת את שמו יצחק והקמתי את בריתי אתו לברית עולם לזרעו אחריו׃
20
ולישמעאל שמעתיך הנה ברכתי אתו והפריתי אתו והרביתי אתו במאד מאד שנים עשר נשיאם יוליד ונתתיו לגוי גדול׃
21
ואת בריתי אקים את יצחק אשר תלד לך שרה למועד הזה בשנה האחרת׃
Génèse 21:2-5
2
ותהר ותלד שרה לאברהם בן לזקניו למועד אשר דבר אתו אלהים׃
3
ויקרא אברהם את שם בנו הנולד לו אשר ילדה לו שרה יצחק׃
4
וימל אברהם את יצחק בנו בן שמנת ימים כאשר צוה אתו אלהים׃
5
ואברהם בן מאת שנה בהולד לו את יצחק בנו׃
Génèse 21:12-5
Génèse 16:11-16
11
ויאמר לה מלאך יהוה הנך הרה וילדת בן וקראת שמו ישמעאל כי שמע יהוה אל עניך׃
12
והוא יהיה פרא אדם ידו בכל ויד כל בו ועל פני כל אחיו ישכן׃
13
ותקרא שם יהוה הדבר אליה אתה אל ראי כי אמרה הגם הלם ראיתי אחרי ראי׃
14
על כן קרא לבאר באר לחי ראי הנה בין קדש ובין ברד׃
15
ותלד הגר לאברם בן ויקרא אברם שם בנו אשר ילדה הגר ישמעאל׃
16
ואברם בן שמנים שנה ושש שנים בלדת הגר את ישמעאל לאברם׃
Génèse 21:9
ותרא שרה את בן הגר המצרית אשר ילדה לאברהם מצחק׃
Génèse 21:10
ותאמר לאברהם גרש האמה הזאת ואת בנה כי לא יירש בן האמה הזאת עם בני עם יצחק׃