בני שם עילם ואשור וארפכשד ולוד וארם׃

וארפכשד ילד את שלח ושלח ילד את עבר׃

ויקטן ילד את אלמודד ואת שלף ואת חצרמות ואת ירח׃

ואת עובל ואת אבימאל ואת שבא׃

ויהי מושבם ממשא באכה ספרה הר הקדם׃

אלה משפחת בני נח לתולדתם בגויהם ומאלה נפרדו הגוים בארץ אחר המבול׃

אלה תולדת שם שם בן מאת שנה ויולד את ארפכשד שנתים אחר המבול׃

ויהי בימי אמרפל מלך שנער אריוך מלך אלסר כדרלעמר מלך עילם ותדעל מלך גוים׃

והיה ביום ההוא יוסיף אדני שנית ידו לקנות את שאר עמו אשר ישאר מאשור וממצרים ומפתרוס ומכוש ומעילם ומשנער ומחמת ומאיי הים׃

חזות קשה הגד לי הבוגד בוגד והשודד שודד עלי עילם צורי מדי כל אנחתה השבתי׃

ועילם נשא אשפה ברכב אדם פרשים וקיר ערה מגן׃

ואת כל מלכי זמרי ואת כל מלכי עילם ואת כל מלכי מדי׃

שם עילם וכל המונה סביבות קברתה כלם חללים הנפלים בחרב אשר ירדו ערלים אל ארץ תחתיות אשר נתנו חתיתם בארץ חיים וישאו כלמתם את יורדי בור׃

ואראה בחזון ויהי בראתי ואני בשושן הבירה אשר בעילם המדינה ואראה בחזון ואני הייתי על אובל אולי׃

כי אם יהיה לבער קין עד מה אשור תשבך׃

וצים מיד כתים וענו אשור וענו עבר וגם הוא עדי אבד׃

ויגשו אל זרבבל ואל ראשי האבות ויאמרו להם נבנה עמכם כי ככם נדרוש לאלהיכם ולא אנחנו זבחים מימי אסר חדן מלך אשור המעלה אתנו פה׃

גם אשור נלוה עמם היו זרוע לבני לוט סלה׃

חרן וכנה ועדן רכלי שבא אשור כלמד רכלתך׃

שם אשור וכל קהלה סביבותיו קברתיו כלם חללים הנפלים בחרב׃

אשור לא יושיענו על סוס לא נרכב ולא נאמר עוד אלהינו למעשה ידינו אשר בך ירחם יתום׃

ושמתי בהם אות ושלחתי מהם פליטים אל הגוים תרשיש פול ולוד משכי קשת תבל ויון האיים הרחקים אשר לא שמעו את שמעי ולא ראו את כבודי והגידו את כבודי בגוים׃

פרס ולוד ופוט היו בחילך אנשי מלחמתך מגן וכובע תלו בך המה נתנו הדרך׃

וישא משלו ויאמר מן ארם ינחני בלק מלך מואב מהררי קדם לכה ארה לי יעקב ולכה זעמה ישראל׃

ובני ארם עוץ וחול וגתר ומש׃