הבה לנו עזרת מצר ושוא תשועת אדם׃

בטחו בו בכל עת עם שפכו לפניו לבבכם אלהים מחסה לנו סלה׃

טוב לחסות ביהוה מבטח באדם׃

טוב לחסות ביהוה מבטח בנדיבים׃

שיר המעלות לדוד לולי יהוה שהיה לנו יאמר נא ישראל׃

אזי חיים בלעונו בחרות אפם בנו׃

שיר המעלות לשלמה אם יהוה לא יבנה בית שוא עמלו בוניו בו אם יהוה לא ישמר עיר שוא שקד שומר׃

אל תבטחו בנדיבים בבן אדם שאין לו תשועה׃

והיה באחרית הימים נכון יהיה הר בית יהוה בראש ההרים ונשא מגבעות ונהרו אליו כל הגוים׃

כה אמר יהוה ארור הגבר אשר יבטח באדם ושם בשר זרעו ומן יהוה יסור לבו׃