ואברם כבד מאד במקנה בכסף ובזהב׃

ויגדל האיש וילך הלוך וגדל עד כי גדל מאד׃

ויהי לו מקנה צאן ומקנה בקר ועבדה רבה ויקנאו אתו פלשתים׃

ויבן מגדלים במדבר ויחצב ברות רבים כי מקנה רב היה לו ובשפלה ובמישור אכרים וכרמים בהרים ובכרמל כי אהב אדמה היה׃

ויהי מקנהו שבעת אלפי צאן ושלשת אלפי גמלים וחמש מאות צמד בקר וחמש מאות אתונות ועבדה רבה מאד ויהי האיש ההוא גדול מכל בני קדם׃

ויהוה ברך את אחרית איוב מראשתו ויהי לו ארבעה עשר אלף צאן וששת אלפים גמלים ואלף צמד בקר ואלף אתונות׃

ויך את מואב וימדדם בחבל השכב אותם ארצה וימדד שני חבלים להמית ומלא החבל להחיות ותהי מואב לדוד לעבדים נשאי מנחה׃

ויך את מואב ויהיו מואב עבדים לדויד נשאי מנחה׃

מואב סיר רחצי על אדום אשליך נעלי עלי פלשת התרעעי׃

מואב סיר רחצי על אדום אשליך נעלי עלי פלשת אתרועע׃

מי יבלני עיר מבצר מי נחני עד אדום׃

שלחו כר משל ארץ מסלע מדברה אל הר בת ציון׃