ועבר אל כתף מול הערבה צפונה וירד הערבתה׃

ויסירהו מלך מצרים בירושלם ויענש את הארץ מאה ככר כסף וככר זהב׃

וימלך מלך מצרים את אליקים אחיו על יהודה וירושלם ויסב את שמו יהויקים ואת יואחז אחיו לקח נכו ויביאהו מצרימה׃

ובני יאשיהו הבכור יוחנן השני יהויקים השלשי צדקיהו הרביעי שלום׃

וימלך מלך בבל את מתניה דדו תחתיו ויסב את שמו צדקיהו׃

ויקרא פרעה שם יוסף צפנת פענח ויתן לו את אסנת בת פוטי פרע כהן אן לאשה ויצא יוסף על ארץ מצרים׃

וישם להם שר הסריסים שמות וישם לדניאל בלטשאצר ולחנניה שדרך ולמישאל מישך ולעזריה עבד נגו׃

כי כה אמר יהוה אל שלם בן יאשיהו מלך יהודה המלך תחת יאשיהו אביו אשר יצא מן המקום הזה לא ישוב שם עוד׃

כי במקום אשר הגלו אתו שם ימות ואת הארץ הזאת לא יראה עוד׃

ותעל אחד מגריה כפיר היה וילמד לטרף טרף אדם אכל׃

וישמעו אליו גוים בשחתם נתפש ויבאהו בחחים אל ארץ מצרים׃