9
וישכב יותם עם אבתיו ויקברו אתו בעיר דויד וימלך אחז בנו תחתיו׃
8
בן עשרים וחמש שנה היה במלכו ושש עשרה שנה מלך בירושלם׃
7
ויתר דברי יותם וכל מלחמתיו ודרכיו הנם כתובים על ספר מלכי ישראל ויהודה׃
6
ויתחזק יותם כי הכין דרכיו לפני יהוה אלהיו׃
5
והוא נלחם עם מלך בני עמון ויחזק עליהם ויתנו לו בני עמון בשנה ההיא מאה ככר כסף ועשרת אלפים כרים חטים ושעורים עשרת אלפים זאת השיבו לו בני עמון ובשנה השנית והשלשית׃
4
וערים בנה בהר יהודה ובחרשים בנה בירניות ומגדלים׃
3
הוא בנה את שער בית יהוה העליון ובחומת העפל בנה לרב׃
2
ויעש הישר בעיני יהוה ככל אשר עשה עזיהו אביו רק לא בא אל היכל יהוה ועוד העם משחיתים׃
1
בן עשרים וחמש שנה יותם במלכו ושש עשרה שנה מלך בירושלם ושם אמו ירושה בת צדוק׃