Juges 1:21
ואת היבוסי ישב ירושלם לא הורישו בני בנימן וישב היבוסי את בני בנימן בירושלם עד היום הזה׃
Juges 1:27-35
27
ולא הוריש מנשה את בית שאן ואת בנותיה ואת תענך ואת בנתיה ואת ישב דור ואת בנותיה ואת יושבי יבלעם ואת בנתיה ואת יושבי מגדו ואת בנותיה ויואל הכנעני לשבת בארץ הזאת׃
28
ויהי כי חזק ישראל וישם את הכנעני למס והוריש לא הורישו׃
29
ואפרים לא הוריש את הכנעני היושב בגזר וישב הכנעני בקרבו בגזר׃
30
זבולן לא הוריש את יושבי קטרון ואת יושבי נהלל וישב הכנעני בקרבו ויהיו למס׃
31
אשר לא הוריש את ישבי עכו ואת יושבי צידון ואת אחלב ואת אכזיב ואת חלבה ואת אפיק ואת רחב׃
32
וישב האשרי בקרב הכנעני ישבי הארץ כי לא הורישו׃
33
נפתלי לא הוריש את ישבי בית שמש ואת ישבי בית ענת וישב בקרב הכנעני ישבי הארץ וישבי בית שמש ובית ענת היו להם למס׃
34
וילחצו האמרי את בני דן ההרה כי לא נתנו לרדת לעמק׃
35
ויואל האמרי לשבת בהר חרס באילון ובשעלבים ותכבד יד בית יוסף ויהיו למס׃
Juges 2:20-23
20
ויחר אף יהוה בישראל ויאמר יען אשר עברו הגוי הזה את בריתי אשר צויתי את אבותם ולא שמעו לקולי׃
21
גם אני לא אוסיף להוריש איש מפניהם מן הגוים אשר עזב יהושע וימת׃
22
למען נסות בם את ישראל השמרים הם את דרך יהוה ללכת בם כאשר שמרו אבותם אם לא׃
23
וינח יהוה את הגוים האלה לבלתי הורישם מהר ולא נתנם ביד יהושע׃
Juges 3:1-4
1
ואלה הגוים אשר הניח יהוה לנסות בם את ישראל את כל אשר לא ידעו את כל מלחמות כנען׃
2
רק למען דעת דרות בני ישראל ללמדם מלחמה רק אשר לפנים לא ידעום׃
3
חמשת סרני פלשתים וכל הכנעני והצידני והחוי ישב הר הלבנון מהר בעל חרמון עד לבוא חמת׃
4
ויהיו לנסות בם את ישראל לדעת הישמעו את מצות יהוה אשר צוה את אבותם ביד משה׃
Psaumes 106:34-36
34
לא השמידו את העמים אשר אמר יהוה להם׃
35
ויתערבו בגוים וילמדו מעשיהם׃
36
ויעבדו את עצביהם ויהיו להם למוקש׃
Josué 15:63
ואת היבוסי יושבי ירושלם לא יוכלו בני יהודה להורישם וישב היבוסי את בני יהודה בירושלם עד היום הזה׃
Josué 17:12
ולא יכלו בני מנשה להוריש את הערים האלה ויואל הכנעני לשבת בארץ הזאת׃
Josué 17:16-18
16
ויאמרו בני יוסף לא ימצא לנו ההר ורכב ברזל בכל הכנעני הישב בארץ העמק לאשר בבית שאן ובנותיה ולאשר בעמק יזרעאל׃
17
ויאמר יהושע אל בית יוסף לאפרים ולמנשה לאמר עם רב אתה וכח גדול לך לא יהיה לך גורל אחד׃
18
כי הר יהיה לך כי יער הוא ובראתו והיה לך תצאתיו כי תוריש את הכנעני כי רכב ברזל לו כי חזק הוא׃
1 Rois 9:15
וזה דבר המס אשר העלה המלך שלמה לבנות את בית יהוה ואת ביתו ואת המלוא ואת חומת ירושלם ואת חצר ואת מגדו ואת גזר׃
1 Rois 5:13
ויעל המלך שלמה מס מכל ישראל ויהי המס שלשים אלף איש׃
Juges 1:28
ויהי כי חזק ישראל וישם את הכנעני למס והוריש לא הורישו׃
Juges 1:35
ויואל האמרי לשבת בהר חרס באילון ובשעלבים ותכבד יד בית יוסף ויהיו למס׃
Génèse 9:25
ויאמר ארור כנען עבד עבדים יהיה לאחיו׃
Génèse 9:26
ויאמר ברוך יהוה אלהי שם ויהי כנען עבד למו׃
Esdras 2:55-58
55
בני עבדי שלמה בני סטי בני הספרת בני פרודא׃
56
בני יעלה בני דרקון בני גדל׃
57
בני שפטיה בני חטיל בני פכרת הצביים בני אמי׃
58
כל הנתינים ובני עבדי שלמה שלש מאות תשעים ושנים׃
Néhémie 7:57
בני עבדי שלמה בני סוטי בני סופרת בני פרידא׃
Néhémie 11:3
ואלה ראשי המדינה אשר ישבו בירושלם ובערי יהודה ישבו איש באחזתו בעריהם ישראל הכהנים והלוים והנתינים ובני עבדי שלמה׃