Ezechiel 1:15-21
15
וארא החיות והנה אופן אחד בארץ אצל החיות לארבעת פניו׃
16
מראה האופנים ומעשיהם כעין תרשיש ודמות אחד לארבעתן ומראיהם ומעשיהם כאשר יהיה האופן בתוך האופן׃
17
על ארבעת רבעיהן בלכתם ילכו לא יסבו בלכתן׃
18
וגביהן וגבה להם ויראה להם וגבתם מלאת עינים סביב לארבעתן׃
19
ובלכת החיות ילכו האופנים אצלם ובהנשא החיות מעל הארץ ינשאו האופנים׃
20
על אשר יהיה שם הרוח ללכת ילכו שמה הרוח ללכת והאופנים ינשאו לעמתם כי רוח החיה באופנים׃
21
בלכתם ילכו ובעמדם יעמדו ובהנשאם מעל הארץ ינשאו האופנים לעמתם כי רוח החיה באופנים׃
Ezechiel 3:13
וקול כנפי החיות משיקות אשה אל אחותה וקול האופנים לעמתם וקול רעש גדול׃
Ezechiel 10:10-13
10
ומראיהם דמות אחד לארבעתם כאשר יהיה האופן בתוך האופן׃
11
בלכתם אל ארבעת רבעיהם ילכו לא יסבו בלכתם כי המקום אשר יפנה הראש אחריו ילכו לא יסבו בלכתם׃
12
וכל בשרם וגבהם וידיהם וכנפיהם והאופנים מלאים עינים סביב לארבעתם אופניהם׃
13
לאופנים להם קורא הגלגל באזני׃