ראו עתה כי אני אני הוא ואין אלהים עמדי אני אמית ואחיה מחצתי ואני ארפא ואין מידי מציל׃

יהוה ממית ומחיה מוריד שאול ויעל׃

ויהי הם קברים איש והנה ראו את הגדוד וישליכו את האיש בקבר אלישע וילך ויגע האיש בעצמות אלישע ויחי ויקם על רגליו׃

והוא אחז בידה ויקרא לאמר הילדה קומי׃

אל תתמהו על זאת כי הנה שעה באה אשר כל שכני קבר את קולו ישמעון׃

ויצאו עשי הטוב לתקומת החיים ועשי הרע לתקומת המשפט׃

ויהי ככלותו לדבר ויקרא בקול גדול לעזר קום צא׃

והם הביאו את הנער חי וינחמו עד מאד׃

כי לזאת מת המשיח ויקם ויחי למען יהיה אדון גם על המתים גם על החיים׃

ויהי אחרי ימים שלשה וחצי ותבא בהם רוח חיים מאת האלהים ויעמדו על רגליהם ואימה גדולה נפלה על כל ראיהם׃