והגדתי לו כי שפט אני את ביתו עד עולם בעון אשר ידע כי מקללים להם בניו ולא כהה בם׃

אולת קשורה בלב נער שבט מוסר ירחיקנה ממנו׃

אל תמנע מנער מוסר כי תכנו בשבט לא ימות׃

אתה בשבט תכנו ונפשו משאול תציל׃

שבט ותוכחת יתן חכמה ונער משלח מביש אמו׃

ותשכחו דבר הנחומים המדבר אליכם כמו אל בנים לאמר מוסר יהוה בני אל תמאס ואל תקץ בתוכחתו׃

כי את אשר יאהב יהוה יוכיח יכאב את בן ירצה׃

ולו היה בן ושמו שאול בחור וטוב ואין איש מבני ישראל טוב ממנו משכמו ומעלה גבה מכל העם׃

וירצו ויקחהו משם ויתיצב בתוך העם ויגבה מכל העם משכמו ומעלה׃

וכאבשלום לא היה איש יפה בכל ישראל להלל מאד מכף רגלו ועד קדקדו לא היה בו מום׃

ומשנהו כלאב לאביגל אשת נבל הכרמלי והשלשי אבשלום בן מעכה בת תלמי מלך גשור׃

והרביעי אדניה בן חגית והחמישי שפטיה בן אביטל׃

השלשי לאבשלום בן מעכה בת תלמי מלך גשור הרביעי אדניה בן חגית׃