וישלח אבנר מלאכים אל דוד תחתו לאמר למי ארץ לאמר כרתה בריתך אתי והנה ידי עמך להסב אליך את כל ישראל׃

בחברון מלך על יהודה שבע שנים וששה חדשים ובירושלם מלך שלשים ושלש שנה על כל ישראל ויהודה׃

אמר אלהי ישראל לי דבר צור ישראל מושל באדם צדיק מושל יראת אלהים׃

וכאור בקר יזרח שמש בקר לא עבות מנגה ממטר דשא מארץ׃

וימלך דויד על כל ישראל ויהי עשה משפט וצדקה לכל עמו׃

כסאך אלהים עולם ועד שבט מישר שבט מלכותך׃

אהבת צדק ותשנא רשע על כן משחך אלהים אלהיך שמן ששון מחבריך׃

ידין עמך בצדק וענייך במשפט׃

כי אקח מועד אני מישרים אשפט׃

מאחר עלות הביאו לרעות ביעקב עמו ובישראל נחלתו׃

וירעם כתם לבבו ובתבונות כפיו ינחם׃

צדק ומשפט מכון כסאך חסד ואמת יקדמו פניך׃

לדוד מזמור חסד ומשפט אשירה לך יהוה אזמרה׃

לא אשית לנגד עיני דבר בליעל עשה סטים שנאתי לא ידבק בי׃

מלושני בסתר רעהו אותו אצמית גבה עינים ורחב לבב אתו לא אוכל׃

לא ישב בקרב ביתי עשה רמיה דבר שקרים לא יכון לנגד עיני׃

למרבה המשרה ולשלום אין קץ על כסא דוד ועל ממלכתו להכין אתה ולסעדה במשפט ובצדקה מעתה ועד עולם קנאת יהוה צבאות תעשה זאת׃

התמלך כי אתה מתחרה בארז אביך הלוא אכל ושתה ועשה משפט וצדקה אז טוב לו׃

דן דין עני ואביון אז טוב הלוא היא הדעת אתי נאם יהוה׃

הנה ימים באים נאם יהוה והקמתי לדוד צמח צדיק ומלך מלך והשכיל ועשה משפט וצדקה בארץ׃

בימיו תושע יהודה וישראל ישכן לבטח וזה שמו אשר יקראו יהוה צדקנו׃

שנאו רע ואהבו טוב והציגו בשער משפט אולי יחנן יהוה אלהי צבאות שארית יוסף׃

ויגל כמים משפט וצדקה כנחל איתן׃