Psaumes 132:18
אויביו אלביש בשת ועליו יציץ נזרו׃
1 Chroniques 15:16
ויאמר דויד לשרי הלוים להעמיד את אחיהם המשררים בכלי שיר נבלים וכנרות ומצלתים משמיעים להרים בקול לשמחה׃
1 Chroniques 15:25
ויהי דויד וזקני ישראל ושרי האלפים ההלכים להעלות את ארון ברית יהוה מן בית עבד אדם בשמחה׃
1 Chroniques 15:28
וכל ישראל מעלים את ארון ברית יהוה בתרועה ובקול שופר ובחצצרות ובמצלתים משמעים בנבלים וכנרות׃
Esdras 3:10
ויסדו הבנים את היכל יהוה ויעמידו הכהנים מלבשים בחצצרות והלוים בני אסף במצלתים להלל את יהוה על ידי דויד מלך ישראל׃
Esdras 3:11
ויענו בהלל ובהודת ליהוה כי טוב כי לעולם חסדו על ישראל וכל העם הריעו תרועה גדולה בהלל ליהוה על הוסד בית יהוה׃
Psaumes 47:1
למנצח לבני קרח מזמור כל העמים תקעו כף הריעו לאלהים בקול רנה׃
Psaumes 47:5
עלה אלהים בתרועה יהוה בקול שופר׃
Psaumes 47:6
זמרו אלהים זמרו זמרו למלכנו זמרו׃
Psaumes 68:24-27
24
ראו הליכותיך אלהים הליכות אלי מלכי בקדש׃
25
קדמו שרים אחר נגנים בתוך עלמות תופפות׃
26
במקהלות ברכו אלהים יהוה ממקור ישראל׃
27
שם בנימן צעיר רדם שרי יהודה רגמתם שרי זבלון שרי נפתלי׃
Nombres 10:1-10
1
וידבר יהוה אל משה לאמר׃
2
עשה לך שתי חצוצרת כסף מקשה תעשה אתם והיו לך למקרא העדה ולמסע את המחנות׃
3
ותקעו בהן ונועדו אליך כל העדה אל פתח אהל מועד׃
4
ואם באחת יתקעו ונועדו אליך הנשיאים ראשי אלפי ישראל׃
5
ותקעתם תרועה ונסעו המחנות החנים קדמה׃
6
ותקעתם תרועה שנית ונסעו המחנות החנים תימנה תרועה יתקעו למסעיהם׃
7
ובהקהיל את הקהל תתקעו ולא תריעו׃
8
ובני אהרן הכהנים יתקעו בחצצרות והיו לכם לחקת עולם לדרתיכם׃
9
וכי תבאו מלחמה בארצכם על הצר הצרר אתכם והרעתם בחצצרות ונזכרתם לפני יהוה אלהיכם ונושעתם מאיביכם׃
10
וביום שמחתכם ובמועדיכם ובראשי חדשיכם ותקעתם בחצצרת על עלתיכם ועל זבחי שלמיכם והיו לכם לזכרון לפני אלהיכם אני יהוה אלהיכם׃
Josué 6:4
ושבעה כהנים ישאו שבעה שופרות היובלים לפני הארון וביום השביעי תסבו את העיר שבע פעמים והכהנים יתקעו בשופרות׃
Josué 6:5
והיה במשך בקרן היובל בשמעכם את קול השופר יריעו כל העם תרועה גדולה ונפלה חומת העיר תחתיה ועלו העם איש נגדו׃
Psaumes 150:3
הללוהו בתקע שופר הללוהו בנבל וכנור׃