Génèse 33:20
ויצב שם מזבח ויקרא לו אל אלהי ישראל׃
Exode 3:15
ויאמר עוד אלהים אל משה כה תאמר אל בני ישראל יהוה אלהי אבתיכם אלהי אברהם אלהי יצחק ואלהי יעקב שלחני אליכם זה שמי לעלם וזה זכרי לדר דר׃
Exode 19:5
ועתה אם שמוע תשמעו בקלי ושמרתם את בריתי והייתם לי סגלה מכל העמים כי לי כל הארץ׃
Exode 19:6
ואתם תהיו לי ממלכת כהנים וגוי קדוש אלה הדברים אשר תדבר אל בני ישראל׃
Exode 20:2
אנכי יהוה אלהיך אשר הוצאתיך מארץ מצרים מבית עבדים׃
2 Samuel 22:2
ויאמר יהוה סלעי ומצדתי ומפלטי לי׃
2 Samuel 22:32
כי מי אל מבלעדי יהוה ומי צור מבלעדי אלהינו׃
Deutéronome 32:4
הצור תמים פעלו כי כל דרכיו משפט אל אמונה ואין עול צדיק וישר הוא׃
Deutéronome 32:30
איכה ירדף אחד אלף ושנים יניסו רבבה אם לא כי צורם מכרם ויהוה הסגירם׃
Deutéronome 32:31
כי לא כצורנו צורם ואיבינו פלילים׃
Psaumes 42:9
אומרה לאל סלעי למה שכחתני למה קדר אלך בלחץ אויב׃
Psaumes 110:2
מטה עזך ישלח יהוה מציון רדה בקרב איביך׃
Exode 23:6-8
6
לא תטה משפט אבינך בריבו׃
7
מדבר שקר תרחק ונקי וצדיק אל תהרג כי לא אצדיק רשע׃
8
ושחד לא תקח כי השחד יעור פקחים ויסלף דברי צדיקים׃
Deutéronome 16:18-20
18
שפטים ושטרים תתן לך בכל שעריך אשר יהוה אלהיך נתן לך לשבטיך ושפטו את העם משפט צדק׃
19
לא תטה משפט לא תכיר פנים ולא תקח שחד כי השחד יעור עיני חכמים ויסלף דברי צדיקם׃
20
צדק צדק תרדף למען תחיה וירשת את הארץ אשר יהוה אלהיך נתן לך׃
Psaumes 82:3
שפטו דל ויתום עני ורש הצדיקו׃
Psaumes 82:4
פלטו דל ואביון מיד רשעים הצילו׃
Proverbes 31:9
פתח פיך שפט צדק ודין עני ואביון׃
Esaïe 11:4
ושפט בצדק דלים והוכיח במישור לענוי ארץ והכה ארץ בשבט פיו וברוח שפתיו ימית רשע׃
Esaïe 11:5
והיה צדק אזור מתניו והאמונה אזור חלציו׃
Esaïe 32:1
הן לצדק ימלך מלך ולשרים למשפט ישרו׃
Jérémie 23:5
הנה ימים באים נאם יהוה והקמתי לדוד צמח צדיק ומלך מלך והשכיל ועשה משפט וצדקה בארץ׃
Zacharie 9:9
גילי מאד בת ציון הריעי בת ירושלם הנה מלכך יבוא לך צדיק ונושע הוא עני ורכב על חמור ועל עיר בן אתנות׃
Hébreux 1:8
אך על הבן אמר כסאך אלהים עולם ועד שבט מישר שבט מלכותך׃
Exode 18:21
ואתה תחזה מכל העם אנשי חיל יראי אלהים אנשי אמת שנאי בצע ושמת עלהם שרי אלפים שרי מאות שרי חמשים ושרי עשרת׃
2 Chroniques 19:7-9
7
ועתה יהי פחד יהוה עליכם שמרו ועשו כי אין עם יהוה אלהינו עולה ומשא פנים ומקח שחד׃
8
וגם בירושלם העמיד יהושפט מן הלוים והכהנים ומראשי האבות לישראל למשפט יהוה ולריב וישבו ירושלם׃
9
ויצו עליהם לאמר כה תעשון ביראת יהוה באמונה ובלבב שלם׃
Néhémie 5:14
גם מיום אשר צוה אתי להיות פחם בארץ יהודה משנת עשרים ועד שנת שלשים ושתים לארתחשסתא המלך שנים שתים עשרה אני ואחי לחם הפחה לא אכלתי׃