ואתם תהיו לי ממלכת כהנים וגוי קדוש אלה הדברים אשר תדבר אל בני ישראל׃

מן שמים נלחמו הכוכבים ממסלותם נלחמו עם סיסרא׃

יהוה יחתו מריבו עלו בשמים ירעם יהוה ידין אפסי ארץ ויתן עז למלכו וירם קרן משיחו׃

ויהי שמואל מעלה העולה ופלשתים נגשו למלחמה בישראל וירעם יהוה בקול גדול ביום ההוא על פלשתים ויהמם וינגפו לפני ישראל׃

הלוא קציר חטים היום אקרא אל יהוה ויתן קלות ומטר ודעו וראו כי רעתכם רבה אשר עשיתם בעיני יהוה לשאול לכם מלך׃

ויקרא שמואל אל יהוה ויתן יהוה קלת ומטר ביום ההוא ויירא כל העם מאד את יהוה ואת שמואל׃

שמעו שמוע ברגז קלו והגה מפיו יצא׃

אחריו ישאג קול ירעם בקול גאונו ולא יעקבם כי ישמע קולו׃

ואם זרוע כאל לך ובקול כמהו תרעם׃

קול יהוה על המים אל הכבוד הרעים יהוה על מים רבים׃

קול יהוה שבר ארזים וישבר יהוה את ארזי הלבנון׃

קול יהוה חצב להבות אש׃

קול יהוה יחולל אילות ויחשף יערות ובהיכלו כלו אמר כבוד׃

ראוך מים אלהים ראוך מים יחילו אף ירגזו תהמות׃

קול רעמך בגלגל האירו ברקים תבל רגזה ותרעש הארץ׃

והשמיע יהוה את הוד קולו ונחת זרועו יראה בזעף אף ולהב אש אוכלה נפץ וזרם ואבן ברד׃

וקול כנפי הכרובים נשמע עד החצר החיצנה כקול אל שדי בדברו׃

ויפתח היכל יהוה בשמים וירא ארון בריתו בהיכל ויהי ברקים וקלות ורעמים ורעש וברד כבד׃