ותהי המלחמה קשה עד מאד ביום ההוא וינגף אבנר ואנשי ישראל לפני עבדי דוד׃

ויקרא אבנר אל יואב ויאמר הלנצח תאכל חרב הלוא ידעתה כי מרה תהיה באחרונה ועד מתי לא תאמר לעם לשוב מאחרי אחיהם׃

ויאמר יואב חי האלהים כי לולא דברת כי אז מהבקר נעלה העם איש מאחרי אחיו׃

כשחוק לכסיל עשות זמה וחכמה לאיש תבונה׃

פוטר מים ראשית מדון ולפני התגלע הריב נטוש׃

מחשבות בעצה תכון ובתחבלות עשה מלחמה׃

אל תצא לרב מהר פן מה תעשה באחריתה בהכלים אתך רעך׃

כמתלהלה הירה זקים חצים ומות׃

כן איש רמה את רעהו ואמר הלא משחק אני׃