ותדבק נפשו בדינה בת יעקב ויאהב את הנער וידבר על לב הנער׃

עצלה תפיל תרדמה ונפש רמיה תרעב׃

נחמו נחמו עמי יאמר אלהיכם׃

לכן הנה אנכי מפתיה והלכתיה המדבר ודברתי על לבה׃

ברב עם הדרת מלך ובאפס לאם מחתת רזון׃

אלהי פלטני מיד רשע מכף מעול וחומץ׃

עליך נסמכתי מבטן ממעי אמי אתה גוזי בך תהלתי תמיד׃

אל תשליכני לעת זקנה ככלות כחי אל תעזבני׃

לאמר אלהים עזבו רדפו ותפשוהו כי אין מציל׃

וגם עד זקנה ושיבה אלהים אל תעזבני עד אגיד זרועך לדור לכל יבוא גבורתך׃

אשר הראיתנו צרות רבות ורעות תשוב תחיינו ומתהמות הארץ תשוב תעלני׃

שיר המעלות רבת צררוני מנעורי יאמר נא ישראל׃

רבת צררוני מנעורי גם לא יכלו לי׃