ויאמר המלך המדבר אליך והבאתו אלי ולא יסיף עוד לגעת בך׃

ותאמר יזכר נא המלך את יהוה אלהיך מהרבית גאל הדם לשחת ולא ישמידו את בני ויאמר חי יהוה אם יפל משערת בנך ארצה׃

ושחד לא תקח כי השחד יעור פקחים ויסלף דברי צדיקים׃

לא יקום עד אחד באיש לכל עון ולכל חטאת בכל חטא אשר יחטא על פי שני עדים או על פי שלשה עדים יקום דבר׃

משיב דבר בטרם ישמע אולת היא לו וכלמה׃

צדיק הראשון בריבו יבא רעהו וחקרו׃

גם בלא דעת נפש לא טוב ואץ ברגלים חוטא׃

ותאמר האשה התקעית אל המלך ותפל על אפיה ארצה ותשתחו ותאמר הושעה המלך׃

ויפל יואב אל פניו ארצה וישתחו ויברך את המלך ויאמר יואב היום ידע עבדך כי מצאתי חן בעיניך אדני המלך אשר עשה המלך את דבר עבדו׃