הלא ימצאו יחלקו שלל רחם רחמתים לראש גבר שלל צבעים לסיסרא שלל צבעים רקמה צבע רקמתים לצוארי שלל׃

מלכי צבאות ידדון ידדון ונות בית תחלק שלל׃

לא תירא לביתה משלג כי כל ביתה לבש שנים׃

ויאמר יהוה יען כי גבהו בנות ציון ותלכנה נטוות גרון ומשקרות עינים הלוך וטפוף תלכנה וברגליהם תעכסנה׃

ביום ההוא יסיר אדני את תפארת העכסים והשביסים והשהרנים׃

הפארים והצעדות והקשרים ובתי הנפש והלחשים׃

המחלצות והמעטפות והמטפחות והחריטים׃

והיה תחת בשם מק יהיה ותחת חגורה נקפה ותחת מעשה מקשה קרחה ותחת פתיגיל מחגרת שק כי תחת יפי׃

ואנו ואבלו פתחיה ונקתה לארץ תשב׃

התשכח בתולה עדיה כלה קשריה ועמי שכחוני ימים אין מספר׃

וכן גם הנשים תתיפינה בתלבשת נאה עם בשת פנים וצניעות לא במחלפות הראש לא בזהב לא בפנינים ולא במלבושים יקרים׃

אלא כמו שהוא הגון לנשים אשר בחרו להן יראת אלהים במעשים טובים׃

ופארכן אל יהי מבחוץ במחלפות שער ועדי זהב ולבישת מחלצים׃

כי כן התקשטו לפנים גם הנשים הקדשות המיחלות לאלהים בהכנען לפני בעליהן׃