כבד את אביך ואת אמך למען יארכון ימיך על האדמה אשר יהוה אלהיך נתן לך׃

מפני שיבה תקום והדרת פני זקן ויראת מאלהיך אני יהוה׃

לכן תנו לכל איש כחובתכם המס לאשר לו המס המכס לאשר לו המכס והמורא לאשר לו המורא והכבוד לאשר לו הכבוד׃

אחי גם כי יתפש איש מכם בעברה אתם אנשי הרוח תקימהו ברוח ענוה והשמר לנפשך פן תבא לידי נסיון גם אתה׃

אל תגער בזקן כי אם תזהירנו כאב לך ואת הצעירים כאחים׃

הזקנים המיטיבים לנהל ראוים הם למשנה כבוד וביותר העמלים בדבר ובהוראה׃

אל תקבל שטנה על הזקן בלתי אם על פי שנים או שלשה עדים׃

נהגו כבוד בכל איש אהבו את האחים יראו את אלהים כבדו את המלך׃

ולפני כל דבר אהבו איש את אחיו אהבה חזקה כי על רב פשעים תכסה האהבה׃