מכל הבהמה הטהורה תקח לך שבעה שבעה איש ואשתו ומן הבהמה אשר לא טהרה הוא שנים איש ואשתו׃

גם מעוף השמים שבעה שבעה זכר ונקבה לחיות זרע על פני כל הארץ׃

מן הבהמה הטהורה ומן הבהמה אשר איננה טהרה ומן העוף וכל אשר רמש על האדמה׃

שנים שנים באו אל נח אל התבה זכר ונקבה כאשר צוה אלהים את נח׃

ויבאו אל נח אל התבה שנים שנים מכל הבשר אשר בו רוח חיים׃

והבאים זכר ונקבה מכל בשר באו כאשר צוה אתו אלהים ויסגר יהוה בעדו׃

כל החיה אשר אתך מכל בשר בעוף ובבהמה ובכל הרמש הרמש על הארץ הוצא אתך ושרצו בארץ ופרו ורבו על הארץ׃

צדקתך כהררי אל משפטך תהום רבה אדם ובהמה תושיע יהוה׃