שכנתי על מים רבים רבת אוצרת בא קצך אמת בצעך׃

ואתה בן אדם כה אמר אדני יהוה לאדמת ישראל קץ בא הקץ על ארבעת כנפות הארץ׃

ולא תחוס עיני עליך ולא אחמול כי דרכיך עליך אתן ותועבותיך בתוכך תהיין וידעתם כי אני יהוה׃

קץ בא בא הקץ הקיץ אליך הנה באה׃

ויאמר מה אתה ראה עמוס ואמר כלוב קיץ ויאמר יהוה אלי בא הקץ אל עמי ישראל לא אוסיף עוד עבור לו׃

הן קץ הכל קרב לכן היו צנועים וערים להתפלל׃

הנפלים היו בארץ בימים ההם וגם אחרי כן אשר יבאו בני האלהים אל בנות האדם וילדו להם המה הגברים אשר מעולם אנשי השם׃

ותשחת הארץ לפני האלהים ותמלא הארץ חמס׃

וירא אלהים את הארץ והנה נשחתה כי השחית כל בשר את דרכו על הארץ׃

שמעון ולוי אחים כלי חמס מכרתיהם׃

שמעו דבר יהוה בני ישראל כי ריב ליהוה עם יושבי הארץ כי אין אמת ואין חסד ואין דעת אלהים בארץ׃

אלה וכחש ורצח וגנב ונאף פרצו ודמים בדמים נגעו׃

וימח את כל היקום אשר על פני האדמה מאדם עד בהמה עד רמש ועד עוף השמים וימחו מן הארץ וישאר אך נח ואשר אתו בתבה׃

ראיתי את הארץ והנה תהו ובהו ואל השמים ואין אורם׃

ראיתי והנה אין האדם וכל עוף השמים נדדו׃

כי כה אמר יהוה שממה תהיה כל הארץ וכלה לא אעשה׃

באמונה בנה נח ביראת יהוה את התבה להצלת ביתו אתרי אשר צוה על דברים לא נראים עדין וירשע בה את העולם ויהי לירש הצדקה עקב האמונה׃

ובמים אבדה תבל מאז כי נשטפה במי המבול׃

גם השמים והארץ אשר לפנינו נצפנו בדברו והם שמורים לאש ליום הדין ואבד אנשי הרשע׃

בא יבא יום יהוה כגנב בלילה אז השמים בשאון יחלפו והיסדות יבערו והתמגגו והארץ והמעשים אשר עליה ישרפו׃

ולחכות לבא יום יהוה ולהחיש אתו אשר בגללו השמים ימוגו באש והיסדות יבערו ונמסו׃