ותאמר רחל נפתולי אלהים נפתלתי עם אחתי גם יכלתי ותקרא שמו נפתלי׃

ובני נפתלי יחצאל וגוני ויצר ושלם׃

ולנפתלי אמר נפתלי שבע רצון ומלא ברכת יהוה ים ודרום ירשה׃

זאת נחלת מטה בני נפתלי למשפחתם הערים וחצריהן׃

וקדש ואדרעי ועין חצור׃

וערי מבצר הצדים צר וחמת רקת וכנרת׃

ויהי גבולם מחלף מאלון בצעננים ואדמי הנקב ויבנאל עד לקום ויהי תצאתיו הירדן׃

ותשלח ותקרא לברק בן אבינעם מקדש נפתלי ותאמר אליו הלא צוה יהוה אלהי ישראל לך ומשכת בהר תבור ולקחת עמך עשרת אלפים איש מבני נפתלי ומבני זבלון׃

ויזעק ברק את זבולן ואת נפתלי קדשה ויעל ברגליו עשרת אלפי איש ותעל עמו דבורה׃

זבלון עם חרף נפשו למות ונפתלי על מרומי שדה׃

משוה רגלי כאילות ועל במתי יעמידני׃

מלמד ידי למלחמה ונחתה קשת נחושה זרועתי׃

ארצה זבלון וארצה נפתלי דרך הים עבר הירדן גליל הגוים׃

העם ההלכים בחשך ראו אור גדול וישבי בארץ צלמות אור נגה עליהם׃