וישא עיניו וירא והנה שלשה אנשים נצבים עליו וירא וירץ לקראתם מפתח האהל וישתחו ארצה׃

ויבאו שני המלאכים סדמה בערב ולוט ישב בשער סדם וירא לוט ויקם לקראתם וישתחו אפים ארצה׃

ויקם אברהם וישתחו לעם הארץ לבני חת׃

והוא עבר לפניהם וישתחו ארצה שבע פעמים עד גשתו עד אחיו׃

ויוסף הוא השליט על הארץ הוא המשביר לכל עם הארץ ויבאו אחי יוסף וישתחוו לו אפים ארצה׃

כבד את אביך ואת אמך למען יארכון ימיך על האדמה אשר יהוה אלהיך נתן לך׃

וימהר משה ויקד ארצה וישתחו׃

איש אמו ואביו תיראו ואת שבתתי תשמרו אני יהוה אלהיכם׃

מפני שיבה תקום והדרת פני זקן ויראת מאלהיך אני יהוה׃

ותבא בת שבע אל המלך שלמה לדבר לו על אדניהו ויקם המלך לקראתה וישתחו לה וישב על כסאו וישם כסא לאם המלך ותשב לימינו׃

ותבא ותפל על רגליו ותשתחו ארצה ותשא את בנה ותצא׃

קמו בניה ויאשרוה בעלה ויהללה׃

שמעו בנים אל הוריכם באדנינו כי ארח ישר הוא׃