ושבע הפרות הרקות והרעת העלת אחריהן שבע שנים הנה ושבע השבלים הרקות שדפות הקדים יהיו שבע שני רעב׃

כי זה שנתים הרעב בקרב הארץ ועוד חמש שנים אשר אין חריש וקציר׃

למנצח מזמור לדוד אשרי משכיל אל דל ביום רעה ימלטהו יהוה׃

ויושב שם רעבים ויכוננו עיר מושב׃

ויזרעו שדות ויטעו כרמים ויעשו פרי תבואה׃

טוב איש חונן ומלוה יכלכל דבריו במשפט׃

מנע בר יקבהו לאום וברכה לראש משביר׃

עבד אדמתו ישבע לחם ומרדף ריקים חסר לב׃

רב אכל ניר ראשים ויש נספה בלא משפט׃

בבקר זרע את זרעך ולערב אל תנח ידך כי אינך יודע אי זה יכשר הזה או זה ואם שניהם כאחד טובים׃

הכל היום יחרש החרש לזרע יפתח וישדד אדמתו׃

הלוא אם שוה פניה והפיץ קצח וכמן יזרק ושם חטה שורה ושערה נסמן וכסמת גבלתו׃

כי כאשר ירד הגשם והשלג מן השמים ושמה לא ישוב כי אם הרוה את הארץ והולידה והצמיחה ונתן זרע לזרע ולחם לאכל׃

מי הוא אפוא העבד הנאמן והנבון אשר הפקידו אדניו על בני ביתו לתת להם את אכלם בעתו׃

והנתן זרע לזרע ולחם לאכל יתן וירבה את זרעכם ויפריא תנובות צדקתכם׃