ויקרא יהוה אלהים אל האדם ויאמר לו איכה׃

ויאמר מי הגיד לך כי עירם אתה המן העץ אשר צויתיך לבלתי אכל ממנו אכלת׃

כי דרש דמים אותם זכר לא שכח צעקת עניים׃

וישלחו את כתנת הפסים ויביאו אל אביהם ויאמרו זאת מצאנו הכר נא הכתנת בנך הוא אם לא׃

ואמרת מה ידע אל הבעד ערפל ישפוט׃

עבים סתר לו ולא יראה וחוג שמים יתהלך׃

על מה נאץ רשע אלהים אמר בלבו לא תדרש׃

ראתה כי אתה עמל וכעס תביט לתת בידך עליך יעזב חלכה יתום אתה היית עוזר׃

מכסה פשעיו לא יצליח ומודה ועזב ירחם׃

אתם מן אביכם השטן ולעשות את תאות אביכם חפצתם הוא רוצח נפש היה מראש ובאמת לא עמד כי אמת אין בו מדי דברי כזב משלו ידבר כי כזב הוא ואבי הכזב׃

הלא שלך היה טרם המכרו וגם אחרי נמכר היה בידך ולמה שמת על לבבך הדבר הזה לא שקרת בבני אדם כי אם באלהים׃

ויקומו הצעירים ויאספו אתו וישאהו החוצה ויקברהו׃

ויען פטרוס ויאמר אליה אמרי לי הבמחיר הזה מכרתם את השדה ותאמר כן במחיר הזה׃