הרצים יצאו דחופים בדבר המלך והדת נתנה בשושן הבירה והמלך והמן ישבו לשתות והעיר שושן נבוכה׃

הלא ידעו כל פעלי און אכלי עמי אכלו לחם יהוה לא קראו׃

כן דרך אשה מנאפת אכלה ומחתה פיה ואמרה לא פעלתי און׃

השתים במזרקי יין וראשית שמנים ימשחו ולא נחלו על שבר יוסף׃

ויעברו אנשים מדינים סחרים וימשכו ויעלו את יוסף מן הבור וימכרו את יוסף לישמעאלים בעשרים כסף ויביאו את יוסף מצרימה׃

והמדנים מכרו אתו אל מצרים לפוטיפר סריס פרעה שר הטבחים׃

ויאמר לה מלאך יהוה הנך הרה וילדת בן וקראת שמו ישמעאל כי שמע יהוה אל עניך׃

והוא יהיה פרא אדם ידו בכל ויד כל בו ועל פני כל אחיו ישכן׃

ויסף אברהם ויקח אשה ושמה קטורה׃

ויקשן ילד את שבא ואת דדן ובני דדן היו אשורם ולטושים ולאמים׃

אלה הם בני ישמעאל ואלה שמתם בחצריהם ובטירתם שנים עשר נשיאם לאמתם׃

וישכנו מחוילה עד שור אשר על פני מצרים באכה אשורה על פני כל אחיו נפל׃

ויקח את אחיו עמו וירדף אחריו דרך שבעת ימים וידבק אתו בהר הגלעד׃

אהלי אדום וישמעאלים מואב והגרים׃

ויברח הוא וכל אשר לו ויקם ויעבר את הנהר וישם את פניו הר הגלעד׃

ויאמר אלהם ישראל אביהם אם כן אפוא זאת עשו קחו מזמרת הארץ בכליכם והורידו לאיש מנחה מעט צרי ומעט דבש נכאת ולט בטנים ושקדים׃

הצרי אין בגלעד אם רפא אין שם כי מדוע לא עלתה ארכת בת עמי׃