אלה בני שעיר החרי ישבי הארץ לוטן ושובל וצבעון וענה׃

ואת החרי בהררם שעיר עד איל פארן אשר על המדבר׃

וישלח יעקב מלאכים לפניו אל עשו אחיו ארצה שעיר שדה אדום׃

אל תתגרו בם כי לא אתן לכם מארצם עד מדרך כף רגל כי ירשה לעשו נתתי את הר שעיר׃

ואתן ליצחק את יעקב ואת עשו ואתן לעשו את הר שעיר לרשת אותו ויעקב ובניו ירדו מצרים׃

ומהם מן בני שמעון הלכו להר שעיר אנשים חמש מאות ופלטיה ונעריה ורפיה ועזיאל בני ישעי בראשם׃

ועתה הנה בני עמון ומואב והר שעיר אשר לא נתתה לישראל לבוא בהם בבאם מארץ מצרים כי סרו מעליהם ולא השמידום׃

ויעמדו בני עמון ומואב על ישבי הר שעיר להחרים ולהשמיד וככלותם ביושבי שעיר עזרו איש ברעהו למשחית׃

בן אדם שים פניך על הר שעיר והנבא עליו׃

עריך חרבה אשים ואתה שממה תהיה וידעת כי אני יהוה׃

לכן חי אני נאם אדני יהוה כי לדם אעשך ודם ירדפך אם לא דם שנאת ודם ירדפך׃

ואת עשו שנאתי ואשים את הריו שממה ואת נחלתו לתנות מדבר׃