ותאמרן איש מצרי הצילנו מיד הרעים וגם דלה דלה לנו וישק את הצאן׃

ויואל משה לשבת את האיש ויתן את צפרה בתו למשה׃

ומשה היה רעה את צאן יתרו חתנו כהן מדין וינהג את הצאן אחר המדבר ויבא אל הר האלהים חרבה׃

ויבחר בדוד עבדו ויקחהו ממכלאת צאן׃

מאחר עלות הביאו לרעות ביעקב עמו ובישראל נחלתו׃

ויברח יעקב שדה ארם ויעבד ישראל באשה ובאשה שמר׃

ורעים היו בארץ ההיא לנים בשדה ושמרים את משמרות הלילה בעדרם׃

ויהי אחרי אכלם אמר ישוע אל שמעון פטרוס שמעון בן יונה התאהב אתי יותר מאלה ויאמר אליו כן אדני אתה ידעת כי אהבתיך ויאמר אליו רעה את טלאי׃

ויאמר אליו פעם שלישית שמעון בן יונה התאהב אתי ויתעצב פטרוס על כי אמר אליו בשלישית התאהב אתי ויאמר אליו אדני את כל אתה יודע וידעת כי אהבתיך ויאמר אליו ישוע רעה את צאני׃

זכרו את מנהיגיכם אשר הגידו לכם את דבר האלהים בינו לאחרית דרכם ולכו באמונתם׃

רעו את עדר האלהים אשר בידכם והשגיחו עליהם לא באנס כי אם בנדבה אף לא עקב בצע כי אם בנפש חפצה׃

והיה בהגלות שר הרעים תשאו עטרת הכבוד אשר לא תבל׃