ויאמר לבן טוב תתי אתה לך מתתי אתה לאיש אחר שבה עמדי׃

ויעבד יעקב ברחל שבע שנים ויהיו בעיניו כימים אחדים באהבתו אתה׃

ויבא גם אל רחל ויאהב גם את רחל מלאה ויעבד עמו עוד שבע שנים אחרות׃

ויאמר לבן ליעקב מה עשית ותגנב את לבבי ותנהג את בנתי כשביות חרב׃

ויען יעקב ויאמר ללבן כי יראתי כי אמרתי פן תגזל את בנותיך מעמי׃

זה לי עשרים שנה בביתך עבדתיך ארבע עשרה שנה בשתי בנתיך ושש שנים בצאנך ותחלף את משכרתי עשרת מנים׃

ויברח יעקב שדה ארם ויעבד ישראל באשה ובאשה שמר׃

ויאמר אליו אתה ידעת את אשר עבדתיך ואת אשר היה מקנך אתי׃

כי מעט אשר היה לך לפני ויפרץ לרב ויברך יהוה אתך לרגלי ועתה מתי אעשה גם אנכי לביתי׃

ואתנה ידעתן כי בכל כחי עבדתי את אביכן׃

זה עשרים שנה אנכי עמך רחליך ועזיך לא שכלו ואילי צאנך לא אכלתי׃

הייתי ביום אכלני חרב וקרח בלילה ותדד שנתי מעיני׃