ולאברם היטיב בעבורה ויהי לו צאן ובקר וחמרים ועבדים ושפחת ואתנת וגמלים׃

ואברם כבד מאד במקנה בכסף ובזהב׃

ויהי מקנהו שבעת אלפי צאן ושלשת אלפי גמלים וחמש מאות צמד בקר וחמש מאות אתונות ועבדה רבה מאד ויהי האיש ההוא גדול מכל בני קדם׃

ויהוה ברך את אחרית איוב מראשתו ויהי לו ארבעה עשר אלף צאן וששת אלפים גמלים ואלף צמד בקר ואלף אתונות׃

הון ועשר בביתו וצדקתו עמדת לעד׃

מזוינו מלאים מפיקים מזן אל זן צאוננו מאליפות מרבבות בחוצותינו׃

אלופינו מסבלים אין פרץ ואין יוצאת ואין צוחה ברחבתינו׃

ברכת יהוה היא תעשיר ולא יוסף עצב עמה׃

ויקנאו בו אחיו ואביו שמר את הדבר׃

ויהי שאול עון את דוד מהיום ההוא והלאה׃

כי לאויל יהרג כעש ופתה תמית קנאה׃

רשע יראה וכעס שניו יחרק ונמס תאות רשעים תאבד׃

אכזריות חמה ושטף אף ומי יעמד לפני קנאה׃

וראיתי אני את כל עמל ואת כל כשרון המעשה כי היא קנאת איש מרעהו גם זה הבל ורעות רוח׃