Génèse 36:1
ואלה תלדות עשו הוא אדום׃
Génèse 36:9
ואלה תלדות עשו אבי אדום בהר שעיר׃
Génèse 36:43
אלוף מגדיאל אלוף עירם אלה אלופי אדום למשבתם בארץ אחזתם הוא עשו אבי אדום׃
Exode 15:15
אז נבהלו אלופי אדום אילי מואב יאחזמו רעד נמגו כל ישבי כנען׃
Nombres 20:14-21
14
וישלח משה מלאכים מקדש אל מלך אדום כה אמר אחיך ישראל אתה ידעת את כל התלאה אשר מצאתנו׃
15
וירדו אבתינו מצרימה ונשב במצרים ימים רבים וירעו לנו מצרים ולאבתינו׃
16
ונצעק אל יהוה וישמע קלנו וישלח מלאך ויצאנו ממצרים והנה אנחנו בקדש עיר קצה גבולך׃
17
נעברה נא בארצך לא נעבר בשדה ובכרם ולא נשתה מי באר דרך המלך נלך לא נטה ימין ושמאול עד אשר נעבר גבולך׃
18
ויאמר אליו אדום לא תעבר בי פן בחרב אצא לקראתך׃
19
ויאמרו אליו בני ישראל במסלה נעלה ואם מימיך נשתה אני ומקני ונתתי מכרם רק אין דבר ברגלי אעברה׃
20
ויאמר לא תעבר ויצא אדום לקראתו בעם כבד וביד חזקה׃
21
וימאן אדום נתן את ישראל עבר בגבלו ויט ישראל מעליו׃
Deutéronome 23:7
לא תתעב אדמי כי אחיך הוא לא תתעב מצרי כי גר היית בארצו׃
2 Rois 8:20
בימיו פשע אדום מתחת יד יהודה וימלכו עליהם מלך׃