1 Chroniques 1:32
ובני קטורה פילגש אברהם ילדה את זמרן ויקשן ומדן ומדין וישבק ושוח ובני יקשן שבא ודדן׃
1 Chroniques 1:33
ובני מדין עיפה ועפר וחנוך ואבידע ואלדעה כל אלה בני קטורה׃
Jérémie 25:25
ואת כל מלכי זמרי ואת כל מלכי עילם ואת כל מלכי מדי׃
Génèse 36:35
וימת חשם וימלך תחתיו הדד בן בדד המכה את מדין בשדה מואב ושם עירו עוית׃
Génèse 37:28
ויעברו אנשים מדינים סחרים וימשכו ויעלו את יוסף מן הבור וימכרו את יוסף לישמעאלים בעשרים כסף ויביאו את יוסף מצרימה׃
Génèse 37:36
והמדנים מכרו אתו אל מצרים לפוטיפר סריס פרעה שר הטבחים׃
Exode 2:15
וישמע פרעה את הדבר הזה ויבקש להרג את משה ויברח משה מפני פרעה וישב בארץ מדין וישב על הבאר׃
Exode 2:16
ולכהן מדין שבע בנות ותבאנה ותדלנה ותמלאנה את הרהטים להשקות צאן אביהן׃
Exode 18:1-4
1
וישמע יתרו כהן מדין חתן משה את כל אשר עשה אלהים למשה ולישראל עמו כי הוציא יהוה את ישראל ממצרים׃
2
ויקח יתרו חתן משה את צפרה אשת משה אחר שלוחיה׃
3
ואת שני בניה אשר שם האחד גרשם כי אמר גר הייתי בארץ נכריה׃
4
ושם האחד אליעזר כי אלהי אבי בעזרי ויצלני מחרב פרעה׃
Nombres 22:4
ויאמר מואב אל זקני מדין עתה ילחכו הקהל את כל סביבתינו כלחך השור את ירק השדה ובלק בן צפור מלך למואב בעת ההוא׃
Nombres 25:17
צרור את המדינים והכיתם אותם׃
Nombres 25:18
כי צררים הם לכם בנכליהם אשר נכלו לכם על דבר פעור ועל דבר כזבי בת נשיא מדין אחתם המכה ביום המגפה על דבר פעור׃
Nombres 31:2
נקם נקמת בני ישראל מאת המדינים אחר תאסף אל עמיך׃
Nombres 31:8
ואת מלכי מדין הרגו על חלליהם את אוי ואת רקם ואת צור ואת חור ואת רבע חמשת מלכי מדין ואת בלעם בן בעור הרגו בחרב׃
Juges 6:1-8
1
ויעשו בני ישראל הרע בעיני יהוה ויתנם יהוה ביד מדין שבע שנים׃
2
ותעז יד מדין על ישראל מפני מדין עשו להם בני ישראל את המנהרות אשר בהרים ואת המערות ואת המצדות׃
3
והיה אם זרע ישראל ועלה מדין ועמלק ובני קדם ועלו עליו׃
4
ויחנו עליהם וישחיתו את יבול הארץ עד בואך עזה ולא ישאירו מחיה בישראל ושה ושור וחמור׃
5
כי הם ומקניהם יעלו ואהליהם יבאו כדי ארבה לרב ולהם ולגמליהם אין מספר ויבאו בארץ לשחתה׃
6
וידל ישראל מאד מפני מדין ויזעקו בני ישראל אל יהוה׃
7
ויהי כי זעקו בני ישראל אל יהוה על אדות מדין׃
8
וישלח יהוה איש נביא אל בני ישראל ויאמר להם כה אמר יהוה אלהי ישראל אנכי העליתי אתכם ממצרים ואציא אתכם מבית עבדים׃
Job 2:11
וישמעו שלשת רעי איוב את כל הרעה הזאת הבאה עליו ויבאו איש ממקמו אליפז התימני ובלדד השוחי וצופר הנעמתי ויועדו יחדו לבוא לנוד לו ולנחמו׃